施詩然：為香港？值得嗎？

中環上兩個星期有人跳樓，係正施詩然公司隔離個幢大廈。當日中午施詩然返到公司，秘書依娃鬼叫話，律師樓的ABC竹昇妹 associate走晒出來，一見到相：「哇！ 好嘔心呀呢個咪平時我去開食飯吉野家對住個位？咁得人驚，以後邊夠膽係個度食飯呀！好心佢啦，跳樓都諗下人地呀嘛，個度咁多人咁多車，一陣壓親人點算？」

施詩然呆得一陣陣。眼前的女律師，剛30歲，在外地大學畢業，斯文四正工作能力一流，但張開口，就係會叫人「跳樓的話，唔該你死開D」。sorry，施詩然真係服到貼地，我覺得以本小姐咁寸，但呢世都唔會諗到咁既野出來，而且窮盡本人既家教都唔會講得出口。

(圖：Autorun@Flickr)

兩日前明報前老總劉進圖被斬，施詩然睇到心都實埋。然後不期然諗，劉進圖，值唔值得？為左咁既香港人？ They suck。他們仍在地鐵裡玩candy crush。
劉 進圖人到中年，快將五十歲了，受這六刀重創，落得床都要一個月，見到曾鈺成，第一句居然係「個政改論壇要繼續搞」。背上的傷口16cm長，施詩然想像不到 他躺著如何睡得著不痛醒。這邊廂施詩然在facebook見到關心政治的朋友，心急如焚在轉發劉進圖的消息，另一邊卻有些港女friend，不但連何俊仁 開會目及女都唔想理，仲係度share緊自己係馬會餐廳度食野既相，比較一番：「wow! 呢間乜乜既food variety 係more inclusive than 馬會既邊間餐廳! oh，好surprise!」

You know what? I am so sick of it. 你為呢D人去死、去坐監，值得咩？我的同學，眼前這位associate，讀書花的錢包括公帑，會值起碼一千萬港幣。她讀了這麼多人權、法治，乜乜盛盛， 有沒有令她得到修養、同情心，諗下人地仲乜十萬火急都要選中午在公司跳樓？
施詩然is so defeated. 從前我以為知識會有用，可以改變人。現在我知道不會、不可以、亦不可能。他們是自己選擇成為這種人的，就像《華爾街狼人》的一句：你是自己選擇走到這一步。

以 前有人覺得施詩然想離開香港是發脾氣。Well，我覺得，大家係時候認清，走，是rational choice。當你附近的人故意選擇了變成禽獸，不聞不問，你仲留低，就是讓感情蓋過了理智。你想有好的生活嗎？你可以忍受自己的子女，未來在這樣的一個 香港生活下去，而且很大機會變成同一種人，否則就要在眾人皆醉的獨醒之下痛苦過餘生？

這幾日好多人在說they can’t kill us all。施詩然記得，好耐前讀謝立文的《麥嘜算憂鬱亞熱帶》，謝立文說，「盲目的樂觀是不負責任的」。我地無謂再為自己打氣，無謂再勸大家同自己一齊沉溺，係時候抽身了。

退一步無處容身。希望劉生早日康復。