《蘋果日報》日前轉載一段在facebook 廣傳而且經剪輯的影片1， 題為《阿Sir冷靜應對發火女教師》。剪輯的片段中只見一名戴著眼鏡的女教師試圖進入警方封鎖線，並怒斥警方無理封鎖行人路，其中夾雜著某些低俗語句和粗 口。面書上的好多朋友即刻叻唔切，大讚警方處理手法冷靜專業，批評女教師潑婦罵街，刻薄自私，仲即時周圍share。只見post入面圍插女教師之聲幾近 一面倒。眾人執住女教師片中的一個”Fuck”字，如獲至寶，大加撻伐，此事件甚至演變成對女教師進行起底投訴。原來起人底，投訴到去人地學校，搞人地份 工，就是你們的正義。
凡是和理非非的香港人，和高皓正的上帝簡直是天作之合︰事事道德判官上身，吓吓都要做正義既守護者， 樣樣野察察為明，明明係小學雞但係用家長式口吻教訓人地點做點做，尤其對粗口、讓座同自瀆等問題表現出瘋狂的焦慮。以下內容引自一位面書的朋友︰香港既淪 落唔係因為囤地波或者梁振英或者共產黨，而係香港人本身既刻薄同自私自利。原來貪腐、利益衝突和玩弄語言偽術，都不是問題，講粗口和挑戰權威才是問題，小 弟還真是受益匪淺。這位仁兄大概認為，九七前的香港人都係唔講粗口同唔會挑戰權威的，所以當日先有咁輝煌既成就。
成件事的實情是女教師當時 路徑旺角行人專用區，眼見法輪功攤位被青年關愛協會(青關會)的成員滋擾，警方不但無執法阻止青關會一干人等騷擾法輪功掛出橫額遮擋法輪功的街站，反而架 起封鎖線，阻止巿民進入。女教師和一眾巿民看不過眼，仗義執言，就被人將片段刪剪及歪曲事實，放到網上進行公審。成段片只見剪出黎無頭無尾，只見女教師同 警方爭執，看者不知前因後果。幸好小弟記性好，一眼就睇得出係先前長約十零分鐘完整版果位女教師。
青關會滋擾法輪功，我卻沒有見到那些水蛇春咁長的留言。
共產黨及其外圍組織上得高登多，上網技巧進步神速，依家仲學識埋玩起底同網上欺凌，而一眾香港盲毛同直必腸，就叻唔切跟著黨的主旋律起舞，以為自己替天行道。有份指責女教師既人，係咪好應該出黎道歉，承認自己柒到應一應？
從來係香港人同中國人呢種醬缸社會仗義執言，下場只會是淪為愚民的祭品。看著面書長長的留言，我又不期然諗起陶傑散文寫袁崇煥被凌遲時，刑場下那些歡呼雀躍，等著買其肉回家大啖的那批臉目糢糊的大眾們。你們都不過是懂得用電腦的食人族。
- 原POST 已被刪
原文連結
No comments:
Post a Comment