傲將軍：「唔理點都好，總之．．．」

「唔理點都好，總之佢地離婚梗係個男人係出面搞三搞四！」而原來女方跟舊情人藕斷絲連，大送綠帽。

「我唔知內情，但係總之佢做一個星期就辭職好明顯係佢坐唔定！」殊不知是鹹濕上司嚇走女新人，投訴無門要劈砲。

「我無聽新歌好多年，總之呢加D歌就無以前咁好聽啦」只看TVB就以為它能代表現今流行曲的「作家」如是說。

「我唔理咩江山代有人才輩出，總之一代不如一代，後生仔識咩丫！」Old Seafood日講夜講

「我唔理咩夢想，總之搵錢唔多就係無出息，唔好同我講其他國家點點點，你買到樓咩？」

這 些三姑六婆式的評論俯拾皆是，曾經以為香港是教育水平較高的地方，數理普及，人們的思維應該較客觀理性看事實，不會任性麻目而武斷，但「教育」與「學養」 畢竟是兩碼子的事，港人得了前者，而沒有內化成為後者，成為經濟動物後，思想單一得拒絕用腦。客觀深入談究精神沒有，以一句「唔理XX，總之YY」就成了 評論員，一鎚定音，拒絕辯明，傲將軍稱之為「總之病」，此一頑疾，毒害香港。

「總之病」比愛滋病更難搞。每日都有例子：
「我唔理關請會做過咩，警察做過咩，總之老師講粗口就係錯！」不陌生吧？
「我唔理咩政治道德，總之要特首下台就係唔o岩，嘩！使唔使呀？唔應該Judge佢，要叫佢加油！」呢件事係由巨肺G.E.M.話你知。
「我唔理原因，總之我討厭政治！我唔理颱風舊圖，總之Uncle send比我就係佢影，即Share！」Ivana，我服了你。
「我唔識政治，總之社民連就係暴力！」默站行動之後還有人真心的說。
「我唔理班年青人點寫世代之爭，總之他們就是慘被洗腦吧！」而鍾祖康正正用中文，一種他認為有大缺點，會破壞人類思考能力與邏輯能力的文字，去批評年輕人。
「我無睇報紙，總之警察就一定係好人啦，你做咩唔信一哥？」警員偷拍裙底、打人、偷竊等案件，蘋果東方一個星期總不難找到，有些人就有意無意視而不見。

Common sense is not so common，多少港人的人生價值是吃喝玩樂，難得糊塗就好，社會政治太深？「我唔識！」多少人以此為榮。講邏輯，也太艱難，以偏概全、非黑即白、訴諸權 威等謬誤，犯了問題未算大，真正的問題在於自大，「想當然」，自以為是，以為朕即天下造成的「總之病」，造就今日港蛙對世事有那麼膚淺的了解。

陶傑引述日本人的網評，指不與中國人辯論，因為浪費時間。也許，港蛙的「總之病」傳播太深，要港蛙有少少常識和邏輯，可能比Fat Tsoi 找數更難。

（歡迎對號入座，樂意被插；同意的請傳給身邊港蛙，狠狠的刮一巴。以後有時間再寫。）

自覺不是的，不用對號入座啊！