港女Miss的生活態度：退貨唔要李泳豪，唔該俾返個吳彥祖

港女英文Miss係連卡佛買左名牌包包兩個，之後發現個扣甩左，懷疑連卡佛賣假野，於是返去門市投訴。店方話個袋係真既，願意原銀奉還，仲送多張一萬蚊購 物卷俾你。不過唔好睇港女四十歲既外表(雖然佢聲稱自己三十二歲)，但佢都係一個容易受傷的女人。佢話自己因為呢單野，情緒受創，所以要求賠償總值七萬既 CHANEL手袋，仲上哂蘋果動新聞，用佢一口夾雜又中又英既港式口音講述事情經過，最爆既都係果句「基本上呢個係我既習慣，買完啲野我就掉埋一邊。」真 係霸氣盡現。成件事就好似買左李泳豪返屋企，唔岩心水，要求退返個吳彥祖咁。呢單野好明顯係大商家欺壓小市民啦﹗唔使叫啲警察查喇，佢地咩案都係話「純粹誤會」既啫﹗一於叫埋班聲討資本主義既左翼青年幫手，一齊佔領連卡佛啦﹗不要說你一無所有，我們要Chanel的主人﹗




唔知啲港男經婚姻介紹所識左女仔，但係之後不幸分手，個理由會唔會係「我同佢性生活不協調，我懷疑佢係假貨。」職員或許會問：「先生，點解你果時唔 驗下貨？」港男答曰：「我一秒幾十萬上落，點CHECK得咁多？我以為你地間野同德成女傭一樣咁好信譽，點知條女啲反應同充氣Mary無分別﹗想點先﹗依 家因為呢單野，我情緒好受困擾呀，我要求你賠返一個身材樣貌同周秀娜一樣既俾我，如果唔係我就上蘋果動新聞投訴你﹗」

或者我地選特首，都可以採取刀仔鋸大樹既態度。無論係唐唐定係CY做特首，做幾年，我地就走去同北京話要求退貨。因為唐唐無我地想像中咁低B，而 CY亦都唔硬得去邊。我地可以話：「你地俾個咁既特首我地，都唔符合我地預期既﹗依家我地七百萬人既情緒都好撚困擾啊，搞到我地D男人陽痿、女人性冷感， 所以你快啲賠返個奧巴馬或者克林頓俾我地，唔係我上TIMES投訴你﹗」

下下做投訴撚，好似唔係咁好。罵黎罵去，好似太過暴力。解決問題，要和平、理性、非粗口，最好問下林輝之流點搞。係香港地，我地最核心既核心裡面既 核心價值就係「法治」嘛﹗傾唔店數，都唔使勞煩上海仔，去法庭搵個官判囉。開庭果時建議Miss一定要化妝，費事個官告佢虛報年齡，作虛假陳述。但最可能 既係，除左Miss，其他人全部缺席。而被告即係店方代表，只會留低左一張字條：「法官大人‥‥‥呢鋪唔使問喇，我地認輸，放過我地啦﹗」